Shardaralyq sharýa qojalyǵy jylyna 150 myń tonnaǵa jýyq et óndiredi

ShARDARA. QazAqparat – Túrkistan oblysy Shardara sharýa qojalyqtarynyń biri jylyna 150 myń tonnaǵa jýyq et óndiredi. Aýdan ortalyǵynda ornalasqan «Aqarys» qojalyǵy mal bordaqylap, et óndirýmen aınalysady, dep habarlaıdy QazAqparat tilshisi.

Úsh jyl buryn qurylǵan qojalyqta qazirgi tańda 80 bas iri qara bar. Qojalyqtyń is júrgizýshisi Ramazan Saınanovtyń aıtýynsha, otbasylyq kásipte 4 adam jumyspen qamtylyp otyr.

Olardyń ortasha jalaqysy - 70 myń teńge kóleminde.

Al, daıyn ónim aýdannyń ishki naryǵy men Túrkistan oblysyndaǵy ózge aýdandarǵa jóneltiledi. Sharýa qojalyqta óziniń jeke mal soıý orny men jem-shóp daıyndaıtyn arnaıy tsehy bar.

Ramazan Talǵatuly aldaǵy ýaqytta qojalyqtyń aýmaǵyn úlkeıtip, mal basyn arttyrýdy kózdep otyrǵanyn aıtady.

Óıtkeni, et ónimine el aýmaǵynda suranys kólemi artyp, kórshi oblystardan da tapsyrys túse bastaǵan.