Shardaralyq dıqandar 6 myń tonna qarbyzdy eksporttap úlgerdi

Búginde tutynýshylar men kásipkerler qarbyzdy egistik alqabynyń basynan bir kelisin 80-95 teńge aralyǵynda satyp alýda. Aıta keterligi, bıyl aýdanda 10710 ga jerge baqsha ónimderin egý josparlanǵan. Qazirgi tańda 7380 gektar baqsha daqyldary egilip, kóktemgi egis jumystary jalǵasýda. Egistik alqaptaryna mıneraldy tyńaıtqyshtar tasymaldanyp jatyr. «Nımeks», «Myrzakent» JShS-i sharýalarǵa mıneraldy tyńaıtqyshtar tasymaldaýdy fıýchers arqyly taratýdy qolǵa alǵan. Kóktemgi dala jumystaryn júrgizýge Úkimet tarapynan jeńildetilgen baǵada 3120 tonna janar-jaǵarmaı bólinip,sharýalarǵa qoldaýlar kórsetilýde.

Atap aıtqanda, aqpan aıyna 780 tonna, naýryzda 780 tonna, sáýir aıyna 910 tonna jáne mamyr aıyna 650 tonna janar-jaǵarmaı jetkizilgen.

Sondaı-aq, operatorlardyń beketterinde jeńildetilgen baǵada 160 teńgeden janarmaı berilýde.