Shardaralyq 9 sportshy álem chempıony atandy
TÚRKІSTAN. QazAqparat - Túrkistan oblysy, Shardara aýdanynyń sportshylary Túrkııada ótken armrestlıngten 40-shy álem chempıonatyna qatysyp qaıtty. «ShARDARA ARMSPORT» klýbynyń qol kúresshileri álemdik dodaǵa Qazaqstan Respýblıkasynyń ulttyq quramasy sapynda saıysqa tústi, dep habarlaıdy QazAqparat tilshisi.
Antalııa qalasynda jasóspirimder,jastar,eresekter jáne ardager sportshylar arasyndaǵy jarystar joǵary deńgeıde ótti. Álemniń 50 memleketiniń sportshylary jınalǵan doda 8 kúnge jalǵasty. Onda shardaralyq qol kúresshiler el qorjynyna 9 altyn, 4 kúmis, 3 qola medal saldy. Jesimpazdardyń qatarynda:
1 oryn - 50 kg-Júsip Darhan (jasóspirimder arasynda )
55 kg-Qadyr Nurhan (jasóspirimder arasynda)
60 kg-Sarybaı Erdáýlet (jasóspirimder arasynda)
80 kg-Qarjaý Esbolat (jasóspirimder arasynda)
65 kg-(qyzdar)-Kamal Ulbala (jasóspirimder arasynda)
60 kg-Óserbaı Qydyr (jastar arasynda)
60 kg - (qyzdar)-Málikaıdar Lázzát (eresekter arasynda)
55 kg-Ábsattar Dáýren (eresekter arasynda)
65 kg-Aıdarhan Nurdáýlet (eresekter arasynda osymen álemniń 4 dúrkin chempıony atandy)
2 oryn - 75 kg-Aıtbek Beket (jasóspirimder arasynda)
+80 kg-Arapbaı Azamat (jasóspirimder arasynda)
65 kg- (qyzdar) -Málik Juldyz (jastar arasynda)
100 kg-Taǵabaev Berik (ardagerler arasynda)
3 oryn - 65 kg-Pirimbet Abzal (jasóspirimder arasynda)
70 kg-Aqtaev Talǵat (eresekter arasynda)
110 kg -Quttymuratov Medet (eresekter arasynda).
Aıta keteıik, buǵan deıin Shardarada 24 sportshy dúnıejúziniń chempıony atanǵanyn habarlaǵan bolatynbyz. Olardyń jeteýi eki dúrkin álem chempıondyǵyn jeńip alǵan.
