Shardarada jasóspirimder arasynda toǵyzqumalaqtan jarys ótkizildi

ShYMKENT. QazAqparat - El Táýelsizdiginiń 25 jyldyǵy qurmetine Ońtústik Qazaqstan oblysynyń Shardara aýdandyq dene shynyqtyrý jáne sport bóliminiń uıymdastyrýymen marafon jarysy ótkizildi, dep habarlaıdy aýdan ákimdiginiń baspasóz qyzmeti.

Qaladaǵy áýejaı alańynda uıymdastyrylǵan is-sharada uldar men qyzdar 9 komandadan qatysyp, jarys jolyna shyqty. Uldar arasynda ótken marafon jarysynda M.Áýezov atyndaǵy jalpy orta mektebiniń komandasyna jeter eshkim bolmady. №16 kolledj jastary ІІ oryndy baǵyndyrsa, Jaýshyqum mektep-lıtseıiniń komandasy ІІІ oryndy ıelendi.
Jelaıaq qyzdar arasynda Jaýshyqum mektep-lıtseıiniń komandasynyń mereıleri ústem bolyp, jeńimpaz atandy. Munda da №16 kolledj komandasy ІІ oryndy, al, M.Gorkıı atyndaǵy jalpy orta mektebiniń komandasy júldeli ІІІ oryndy ıelendi. Júırikterge marapattar tapsyryldy.
Sonymen qatar, toǵyzqumalaqtan 2001-2002 jyly týylǵan jasóspirim uldar-qyzdar arasynda Shardara aýdandyq №1 balalar men jasóspirimder sport mektebiniń ashyq birinshiligi ótti. Jarysty balalar men jasóspirimder sport mektebiniń dırektory A. Sákıev ashyp berip, sportshylarǵa sáttilik tiledi.
Oılylardyń oıynynda zerek te aqyldy oqýshylar jeńiske jetip otyrdy. Qyzyqty ótken toǵyzqumalaq jarysynda qaladaǵy Q.Amanjolov atyndaǵy jalpy orat mektebiniń komandasy qanjyǵaǵa baılady. Al, ekinshi oryndy Qurmanǵazy atyndaǵy jalpy orta meketebiniń komandasy enshilese, úshinshi oryndy Sh.Ýálıhanov atyndaǵy jalpy orta mektebiniń komandasy ıelendi.