Shardarada jańadan otaý qurǵan erli-zaıyptylar alǵash ret saılaýda daýys berdi
ShARDARA. QazAqparat - Túrkistan oblysy Shardara aýdanynda jýyrda ǵana otaý qurǵan jas otbasy alǵash ret saılaýǵa qatysyp, óz tańdaýyn jasady, dep habarlaıdy QazAqparat.
Jaýshyqum aýyldyq okrýginiń turǵyndary Erjan Qojantaı men Ásel Aıtbaı saılaý naýqanyna nemquraıly qaramaı, belsendilik tanytýdy azamattyq paryzym dep biledi.
«Bul - ózimiz turyp jatqan aýyldyń bolashaǵy úshin asa mańyzdy naýqan. Sondyqtan jubaıym ekeýmiz azamattyq quqyǵymyzdy paıdalanyp, tańdaý jasadyq. Jergilikti turǵyndardyń ál-aýqatynyń kóterilýi, jas kásipkerdi qoldaý sııaqty mańyzdy máseleler bolashaq ákimderdiń qolynda. Sol úshin de isker, bilikti ákimdi halyqtyń ózi saılap alǵany óte oryndy dep oılaımyn», – deıdi Erjan Qojantaı.
Aıta keteıik, jalpy Jaýshyqum aýyldyq okrýginde 2452 turǵyn bolsa, onyń 1274-iniń daýys berý quqyǵy bar.
