Shardarada tabylǵan balbal tas murajaıda saqtalatyn boldy

ShARDARA. QazAqparat Shardara aýany aýmaǵynan tabylǵan balbal tas bizdiń zamanymyzdaǵy І-ІІІ ǵasyrlarǵa tıesili, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Kóne eskertkish óz zamanynyń ataqty qolbasshysyna arnap jasalýy múmkin, degen de boljam bar. Óıtkeni balbal tas betinde áskerı bas kıim anyq beınelengen. Tabylǵan tas músin murajaıdan oryn alyp, oblystyq tarıhı jáne mádenı eskertkishterdiń memlekettik tizimine engizý jóninde qujattar ázirlenip jatyr.

Kóne jádigerdi tapqan jer ıesi – Tórebekovter áýleti. Tasty Shardara sý qoımasyna jaqyn mańdaǵy Shekertóbe jerinde mal baǵyp júrip, taýyp alǵan. Tas músindi sharýa qojalyq ıesi murajaıǵa amanat etti. Qundy jádiger tabylǵan aýmaqta qazba jumystary júrgizilýi múmkin.

Balbal – tastan qashalyp jasalǵan adam beınesindegi eskertkish. ıAǵnı soǵý, qaǵý, urý degendi bildiretin qos sózden turady. Túrkologtardyń pikirinshe, balbal sózi «tasty tip-tik etip qadap ornatqan belgiler» degen maǵynany bildiredi.