Shardarada sýǵa batyp bara jatqan jasóspirim qutqaryldy
ShARDARA. QazAqparat - Shardarada qutqarýshylar sýǵa batqan jasóspirimdi qutqaryp qaldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, 15 jastaǵy bala túski ýaqytta Syrdarııa ózeninde shomylǵan. Shardara post jedel-qutqarý jasaǵynyń qutqarýshylary jabdyqtalmaǵan oryndardyń birinen balanyń sýǵa batyp bara jatqanyn baıqap qalady.
«Qutqarýshylar tez arada sýdan balany alyp shyǵyp, jaǵaǵa jetkizgen. Oǵan alǵashqy medıtsınalyq kómek kórsetip, úıine alyp barǵan. Jasóspirimniń aıtýynsha, ol jaǵalaý syzyǵynan shamamen 15 metr qashyqtyqta júzip, qorqynysh paıda bolǵan. Sol jerde sýǵa bata bastaǵan. Keleńsiz oqıǵanyń oryn alýyna jabdyqtalmaǵan jerde shomylý bolyp tabylǵan» delingen habarlamada.
