Shardarada shirkeı qaıta kóbeıe bastady

TÚRKІSTAN. QazAqparat – Shardarada shirkeı qaıta kóbeıe bastady. Bul týraly aýdan ákimi Qaırat Joldybaı málimdedi, dep habarlaıdy QazAqparat tilshisi.

Aýdan ákiminiń aıtýynsha, Shardara – shirkeıdiń oshaǵy emes. Tek, jel tursa óńirde shirkeı kóbeıip ketedi.

«Mamyr aıynyń basynda shirkeı kóp boldy. Merdiger mekemelerdi shaqyryp, qoǵamdyq oryndardy jáne shirkeıi kóp aýyldardy zalalsyzdandyrý jumystaryn júrgizdik. Azaıyp, basylyp qalǵan bolatyn. 3-4 kún buryn qatty jel turyp, shirkeı qaıta kóbeıe bastady. Jaqyn arada merdiger mekemeni shaqyryp, zalalsyzdandyrý jumystaryn taǵy júrgizemiz», - dedi Qaırat Joldybaı.

Talaı jyldyq tájirıbesine súıengen aýdan basshylyǵy bıyl zalalsyzdandyrý jumystaryn jaqsylap atqaryp, keler jyly shirkeıdi edáýir azaıtýdy josparlap otyr.

Aıta keteıik, Túrkistan oblysynda shirkeımen kúreske bıýdjetten 643 mln teńge bólingen bolatyn.