Shardarada shaǵynaýdan salynyp jatyr
ShYMKENT. QazAqparat - OQO Shardara qalasynda «Nurly jol» memlekettik baǵdarlamasy sheńberinde jańa shaǵyn aýdan boı kóterip keledi, dep habarlaıdy Shardara aýdany ákimdiginiń baspasóz qyzmeti.
Qazir munda turǵyndarǵa eń qajettisi - jol salý men ınfraqurylym júıesin tartý isi qarqyn alǵan. Shaǵynaýdannyń óz mektebi de bolady. Shardara halqynyń sany 30 myńǵa jetip jyǵylady. Jańa móltekaýdannyń salynýymen 150 turǵyn úı ıesiniń áleýmettik máselesi sheshilmek. Qazir qajetti jer teliimderi berildi. Qurylys ta bastalyp ketken. Oǵan Elbasynyń «Nurly jol» baǵdarlamasy aıasynda 140 maman men 23 tehnıka jumyldyrylǵan. 68-i jergilikti turǵyn bolsa, 18 stýdent is-tájirıbeden ótip jatyr. Munda 9 shaqyrymdyq 10 kóshe túsedi. 15 myń sharshy metr jerdegi aıaq jol qurylysy aıaqtalýǵa jaqyn. Bul maqsatta jergilikti ákimdik tarapynan baqylaý kúshti.
Shardara aýdandyq qurylys, sáýlet jáne qala qurylysy bólimi basshysynyń mindetin atqarýshy Nurǵalı Myrzahmetovtiń aıtýynsha, qurylystyń sapasyna kúndelikti jaýap beretin tehnıkalyq qadaǵalaýshysy bar. Aýdan ákimi de jumystyń barysyn turaqty baqylaýǵa alyp otyrǵan kórinedi. Aldaǵy kúnderge josparlanǵan aýqymdy ister kóp. «Alataý batyr» eldi mekeni dep atalatyn jerde 900 oryndyq zamanaýı mektep ashylady. 3 aýyldyq okrýgte 3 turǵyn úı salý josparlanyp otyr. Qujattary rásimdelip, tıisti jumystar atqarylýda.
