Shardarada qoıshy ózine senip tapsyrylǵan 360 bas qoıdy satyp jibergen
TÚRKІSTAN.QazAqparat - Túrkistan oblysy, Shardara aýdanynda jergilikti qoıshy ózine senip tapsyrylǵan 360 bas qoıdy satyp jibergen. Nátıjesinde mal ıesine 16 mln teńgedeı shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Shardara aýdandyq polıtsııa bólimine jergilikti turǵyn aryzdanǵan. Ol óziniń jaldap otyrǵan qoıshysynyń senip tapsyrylǵan múlkin jumsap júrgendigi týraly habarlaǵan. Jedel-izdestirý is-sharalarynyń nátıjesinde polıtseıler qoıshy bolyp júrgen turǵyndy qolǵa túsirdi.
Tergeý kezinde jábirlenýshiniń atalmysh qoıshyǵa 360 bas qoıyn baǵyp kóbeıtý maqsatynda senip tapsyrǵany anyqtaldy. Alaıda, úsh jyl ishinde kúdikti qoılardyń barlyǵyn satyp jibergen bolyp shyqty. Keltirilgen shyǵynnyń jalpy kólemi shamamen 16 mıllıon teńgeni qurap otyr. Qazirgi tańda osy jáıtke qatysty bótenniń múlkin ıemdený men talan-tarajǵa salý jaıty boıynsha sotqa deıingi tekserý amaldary júrgizilip, kúdikti qamaýǵa alyndy.
