Shardarada gaz ballony jarylysynan áıel kóz jumdy, eki bala aýrýhanada jatyr

ShARDARA. QazAqparat - Túrkistan oblysynda jer úıde gaz ballony jarylyp, bir adam mert boldy, dep habarlaıdy QazAqparat Tótenshe jaǵdaı mınıstrligine silteme jasap.

14 qańtarda saǵat 18.41-de 112 pýltine Túrkistan oblysynyń Shardara aýdanynan habar túsken.

Onda jeke turǵyn úıde gaz ballony jarylǵany, 84 sharshy metr aýmaqta úıdiń shatyry men qabyrǵalary jartylaı opyrylǵany, oqıǵa ornynda órt bolmaǵany aıtylǵan.

TJM bólimsheleri kelgenge deıin kórshileri úıindi arasynan eki balany alyp shyǵyp, ortalyq aýdandyq aýrýhanaǵa jetkizdi.

Qazirgi tańda balalardyń jaǵdaıy naqtylanyp jatyr. Aýdandyq aýrýhana dárigerleri balalarǵa medıtsınalyq kómek kórsetýde.

Oqıǵa ornynan áıel adamnyń máıiti tabyldy. Qazir onyń kim ekeni jáne órttiń shyǵý sebepteri anyqtalyp jatyr.

Oqıǵa oryna TJ departamentiniń qyzmetkerleri, qutqarý tehnıkasy jumyldyryldy.