Shardarada el Táýelsizdiginiń 25 jyldyǵyna oraı sporttyq jarystar kóptep ótýde

ShYMKENT. QazAqparat - Táýelsizdiktiń 25 jyldyǵyna oraı Ońtústik Qazaqstan oblysynyń Shardara aýdanynda taǵy da sporttyń birneshe túrinen oıyndar ótkizildi, dep habarlaıdy aýdan ákimdiginiń baspasóz qyzmeti.

Orta mektep jasyndaǵy jasóspirimder arasynda voleıbol, shaǵyn fýtbol jáne qol dobynan jarystar uıymdastyryldy. Ortalyq stadıonda ótken voleıbol jarysynda Shardara mektep-lıtseıi komandasyna teń keler eshkim bolmady. Shardaramen aqtyq synǵa shyqqan Jaýshyqum mektep-lıtseıiniń komandasy ІІ oryndy ıelense, T.Tájibaev atyndaǵy jalpy orta mektebiniń komandasy júldeli ІІІ oryndy baǵyndyrdy. «Mıras» fýtbol alańynda ótken shaǵyn fýtbol oıynynda fýtbol mektebiniń komandasy jeńiske jetse, T.Tájibaev atyndaǵy jalpy orta mektebiniń komandasy ІІ oryndy enshiledi. Al, M.Áýezov atyndaǵy jalpy orta mektebiniń komandasy ІІІ oryndy qanjyǵaǵa baılady.

Qurmanǵazy atyndaǵy orta mektebinde qol dobynan jarys ótti. Bul saıysta alań ıeleri - Qurmanǵazy atyndaǵy jalpy orta mektebiniń komandasy jeńimpaz atandy. M. Áýezov atyndaǵy jalpy orta mektebi ІІ, №1 BJSM komandasy ІІІ oryndy ıelendi. Jeńimpazdarǵa marapattar tapsyryldy. Aıta ketý kerek, Shardara aýdanynda el Táýelsizdiginiń 25 jyldyǵyna oraı sporttyq jarystar kóptep ótýde.