Shardarada eki balyqshy sýǵa batyp ketti
ShYMKENT. QazAqparat - Ońtústik Qazaqstan oblysyndaǵy Shardara sý qoımasynda eki balyqshy sýǵa batyp, ajal qushty. Eki kún buryn balyq aýlaýǵa ketkenderdiń qaıyqtaryn jergilikti turǵyndar taýyp alǵan, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetinshe, 32 jáne 22 jastaǵy eki balyqshynyń joǵalǵany týraly habar kezekshi bólimge 27 jeltoqsan kúni kúndizgi saǵat 16:58-de jetken. Olar balyq aýlaýǵa shyqqan motorly qaıyq sol kúni tabylǵan.
Oqıǵa ornyna jetken súńgýirler sýǵa batqandar bolǵan aýmaqty 6-7 metrlik tereńdikte túgel súzip shyqty. Qutqarýshylarǵa balyqshylardyń týystary men aýdandyq ishki ister qyzmetkerleri de qolǵabys etti. Alaıda ol kúni izdeý jumystarynan nátıje shyqpaǵan.
Al, kelesi kúni kúndizgi 12.40-tar shamasynda jaǵadan 7 shaqyrym qashyqtyqta balyqshylardyń biriniń máıiti sýdan shyǵaryp alyndy. Ekinshi balyqshynyń denesi balyq aýlaǵan jerinen 50 metr tustan tabyldy.
