Shardarada bokstan oblys chempıonaty ótip jatyr
Jarystyń ashylý saltanatyna qatysqan Shardara aýdany ákimdiginiń apparat basshysy Ǵalymjan Amantaı shaǵalaly óńirde boks sportynyń qarqyndy damyp kele jatqanyn tilge tıek etip, bylǵary qolǵap sheberlerine sáttilik tiledi. Al, bokstan Túrkistan oblysynyń jasóspirimder qurama komandasynyń aǵa jattyqtyrýshysy Oljas Syzdyqov jas sportshylar jarysynyń úlken dárejede uıymdastyrylǵanyn atap ótti. Saltanatty sharada óńirdiń boks sportyn damytýdaǵy sińirip jatqan eńbekteri úshin Shardara aýdany ákiminiń alǵys hatymen jáne estelik syılyǵymen aǵa jattyqtyrýshy Oljas Maratuly men jarystyń bas tóreshisi Erjan Ospanov marapattaldy. Munan soń jas bokshylar sharshy alańǵa shyǵyp, ózara myqtylaryn anyqtady.
Aıta keteıik, búginle aımaqta jekpe-jekte jeńiske jetip kele jatqan talantty sportshylar kóp. Ári óńirde boksty olımpıadalyq baǵytta damytý máselesi kún tártibinen túsken emes. Bul baǵytta oblystyq dene shynyqtyrý jáne sport basqarmasynyń basshysy Polat Qyryqbaev mamandarmen birlese otyryp, boksty zaman talabyna saı damytýdy qolǵa alýda. Tájirıbeli bapkerler men talantty jastarǵa árdaıym qoldaý kórsetýde.