Shardarada balyqtardyń qyrylý sebebi túsindirildi

ShARDARA. QazAqparat - Túrkistan oblysyndaǵy Shardara sý qoımasynda balyqtardyń qyrylý deregine qatysty túsinik berildi. Balyq ınspektsııasynyń mamandary balyqtardyń jappaı ólýi jylda bolatyn qalypty jaǵdaı ekenin aıtady, dep habarlaıdy QazAqparat tilshisi.

«Ońtústik aýmaqta, Shardara qalasynda qys mezgili bolmaǵannan keıin balyqtyń ımmýnıteti tómendep ketken. Kóktem mezgilinde balyqtardyń ólýiniń osyndaı azdaǵan jaǵdaıy anyqtalady. 10-15 kún ishinde sýdyń astynda kók shóp shyqqannan keıin, balyqtar tirshiligi qalypqa keledi», - deıdi Túrkistan oblysy boıynsha balyq ınspektsııasy bóliminiń bas mamany Marat Qaraqul.

Esterińizge sala keteıik, áleýmettik jelide Shardara sý qoımasynda shabaqtardyń ólip jatqany týraly vıdeo taraǵan bolatyn. Onda keıbir tiri balyqtardyń denesinde jaralar bar ekeni aıtylǵan. Bul máselege oraı Aral-Syrdarııa oblysaralyq basseındik balyq sharýashylyǵy men Túrkistan balyq ınspektsııalarynyń mamandary málimet taratty. Olardyń sózinshe, móńke jáne sazan balyqtary men shabaqtardyń qabyrshaqtarynda ózgerister paıda bolǵan. Keshegi kúnniń ózinde balyq ınspektorlary men qoryqshylar shabaqtardy jınap alyp, olardy ýtılızatsııalaý jumystaryn júrgizgen. Al Shardaranyń veterınarlyq qyzmeti zerthanalyq zertteýler júrgizý úshin shabaqtardyń synamalaryn aldy. Mamandar osynaý zertteýlerdiń nátıjeleri boıynsha saraptamalyq qorytyndy ázirlenedi dep atap ótken edi.