Shardarada balyqshylar sý ınspektorlaryn soqqyǵa jyqty
ShYMKENT. QazAqparat - Ońtústik Qazaqstan oblysyndaǵy Shardara sý qoımasynda bir top balyqshylar sý qoryqshylaryn soqqyǵa jyqty, dep habarlaıdy QazAqparat tilshisi.
Oblystyq Іshki ister departamenti baspasóz qyzmetiniń málimetinshe, reıd barysynda Shardara sý qoımasynda zańsyz balyq aýlap júrgen bir top balyqshy anyqtalǵan. Olar sý ınspektorlarynyń eskertý-talaptaryna baǵynbaı, kerisinshe, ózderin uryp-soqqan.
«Shardara aýdandyq ІІB qyzmetkerleri jedel-izdestirý sharalaryn júrgizý barysynda kúdikti retinde 1990, 1994 jáne 1987 jyldary týǵan Saryaǵash aýdanynyń tórt turǵynyn ustady. Qazirgi tańda atalǵan fakti negizinde «densaýlyqqa qasaqana ortasha aýyrlyqtaǵy zııan keltirý» baby boıynsha sotqa deıingi tergep-tekserý jumystary júrgizilýde. Sot-medıtsınalyq saraptamalar taǵaıyndaldy», - delingen ІІD habarlamasynda.
Foto: russianstock.ru
