Shardarada balyqshy sýǵa batyp ketti
ShYMKENT. QazAqparat - Ońtústik Qazaqstan oblysyndaǵy Shardara sý qoımasynda 31 jastaǵy balyqshy sýǵa batyp ketti, dep habarlaıdy QazAqparat tilshisi.
Oblystyq TJD málimetinshe qaıǵyly oqıǵa 2 naýryz kúni bolǵan.
«Tótenshe jaǵdaılar qyzmetiniń kezekshi bólimine 2 naýryz kúni 23.40-ta habar kelip túsken. Onda 1 naýryz kúni shamamen saǵat 22.00-23.00-de Shardara sý qoımasynda balyq ustap júrgen 1986 jyly týǵan turǵyn batyp ketkeni kórsetilgen. Aldyn ala boljam boıynsha ol dosymen birge túndeletip qaıyqpen balyq aýlaýǵa shyqqan. Osy kezde qatty jel turyp, qaıyq aýdarylyp ketken» delingen habarlamada.
Sol mańda bolǵan ózge balyqshylar olardy qutqarmaq bolyp, bireýin aman alyp qalypty. Al, ekinshi balyqshyny taba almaǵan. Qarys atty aralǵa jaqyn eldi meken turǵyndary sýǵa batqandardyń qaıyǵyn da taýyp alypty.
Kelesi kúni tańǵy 8.45-te oqıǵa ornyna «Shardara» beketiniń 7 qutqarýshysy qaıyqpen jáne 2 tehnıkamen jetken. Olardyń qataryna taǵy 3 ishki ister qyzmetkeri qosylypty. Sondaı-aq, sýǵa ketken balyqshynyń týystary (85 adamnan quralǵan top) sharalaryn júrgizgen. Іzdeý sharalarynyń nátıjesinde balyqshynyń máıiti keshki saǵat 19.00-der shamasynda tabyldy. 
