Shardarada aýyl ákimi tótenshe jaǵdaı kezinde týǵan kún toılaǵan
2020 jyly 15 naýryzda Qazaqstan Respýblıkasy Prezıdentiniń Qazaqstanda tótenshe jaǵdaı engizý týraly jarlyǵy shyqqan.
Jarlyqqa sáıkes 17 naýryzda Shardara aýdany ákimdiginiń janynan tótenshe jaǵdaı rejımin qamtamasyz etý jónindegi óńirlik komıssııa qurylyp, otbasy múshelerin qospaǵanda, úsh adamnan asatyn toppen júrý, otbasylyq, merekelik is-sharalardy toqtatý sekildi shekteýler belgilengen.
Soǵan qaramastan 9 sáýirde Shardara aýdany Jaýshyqum aýyl okrýginiń ákimi N.D.Nurseıtov jáne Shardara aýdandyq órt sóndirý bóliminiń mamany B.Alımhanov dostarymen birge tabıǵat aıasyna jınalyp, fotosýretke túsken. Bul málimet áleýmettik jelide jarııalanǵan.
«Málimetti tekserý barysynda joǵaryda atalǵan tulǵalar «Energopotok» JShS qyzmetkeri B.Bazarovtyń týǵan kúnin toılaǵany anyqtaldy. Osyǵan oraı 13 sáýirde Shardara aýdanynyń prokýratýrasy týǵan kún keshin uıymdastyrýshy B.Bazarovqa qatysty QR ÁQBK 476-baby 3-bóligine sáıkes ákimshilik is qozǵap, oǵan 27780 teńge aıyppul salyndy. Budan bólek, memlekettik qyzmetshilerdiń jaýaptylyǵyn qaraý maqsatynda aýdan prokýratýrasy olardyń tótenshe jaǵdaı rejımin buzýyna oraı qadaǵalaý aktilerin engizdi. 13 sáýirde aýdan prokýratýrasynyń usynysy ádep keńesinde qaralyp, aýdan ákiminiń ókimimen Jaýshyqum aýyl okrýginiń ákimi N.D.Nurseıtovke «qatań sógis» berildi» delingen habarlamada.
Al Shardara aýdandyq órt sóndirý bóliminiń mamany B.Alımhanov «qyzmetine tolyq sáıkes emestigi týraly eskertý» alsa, sondaı-aq, óz qyzmetkerlerine tıisti vedomstvolyq baqylaýdy júrgizbegen osy bólimniń bastyǵy B.Turaqulov «qatań sógis» túrindegi tártiptik jaýapqa tartyldy.
