Shardarada anasyna renjip, úıinen ketip qalǵan oqýshy qyz Shymkentten tabyldy
Shardara aýdandyq polıtsııa bólimine jergilikti turǵyn aryzdanyp, ushty-kúıli joǵalǵan qyzyn taýyp berýge kómek suraǵan.
Anasynyń aıtýynsha, túngi ýaqytta 11-synyp oqıtyn qyzy ekeýi arasynda túsinbeýshilik bolyp, renjigen qyzy syrtqa shyǵyp ketken.
Ashýy basylǵasyn kiredi ǵoı degenmen, qyz sol kúıi joq bolady.
Sodan ata-anasy jasóspirimdi ózderi 2 kún boıy izdep taba almaıdy. Nátıje shyqpaǵan soń polıtseılerge habarlaıdy.
Aqparat alysymen Shardara aýdandyq polıtsııa bóliminiń qyzmetkerleri birden kámelet jasyna tolmaǵan qyzdy izdeýge kirisedi. Qyz barýy múmkin jerlerden, habarlasýy múmkin dos-qurbylarynan jaýap alady.
Týystarynan surastyrady. Joǵalǵan qyzdy tabýǵa qajetti barlyq sharalardy iske asyrady.
Sonyń nátıjesinde qyz Shymkent qalasyndaǵy kóshelerdiń birinen tabylyp, Shardara qalasynda ata-anasyna tapsyryldy.
Tekserý barysynda anyqtalǵandaı anasyna renjigen jasóspirim qyz birinshi kúni Shardara qalasyndaǵy qurbysynyń úıine qonǵan.
Al, ekinshi kúni Shymkent qalasyndaǵy týysynyń úıinde bolǵan.
Óz kezeginde qyzynyń din-aman tabylǵanyna qýanǵan anasy polıtseılerge alǵysyn jetkizdi.
Túrkistan oblysynyń polıtseıleri barsha ata-anaǵa kámeletke tolmaǵan ul-qyzdarymen ótpeli kezeńde til tabysyp, túsinistik tanytyp, olarmen dos bolýǵa shaqyrady.
Jasóspirimderge úlkenderdiń ruqsatynsyz úıden alys ketpeý kerektigin únemi eskertip otyrý qajet.