Shardarada analar májilisi uıymdastyryldy
ShYMKENT. QazAqparat - Ońtústik Qazaqstan oblysy Shardara aýdanynda analar májilisi ótti, dep habarlaıdy aýdan ákimdiginiń baspasóz qyzmeti.
Bir qolymen besik, bir qolymen álemdi terbetken aq jaýlyqtylardyń qoǵamdaǵy orny erek. Shańyraqtyń shattyǵy men berekesin terbetken shardaralyq analar alqaly jıyn ótkizdi.
Májiliste el táýelsizdigi dáriptelip, shırek ǵasyrda jetken jetistikter aıtyldy. Mektep oqýshylary tarapynan kontserttik baǵdarlamalar qoıyldy. Basqosýdy «Analar keńesiniń» aýdandaǵy músheleri uıymdastyrdy. Ortalyq kitaphanada ótken sharada shardaralyqtardyń shırek ǵasyrda jetken jetistigi dáriptelip, baǵyndyrǵan belesi eksheldi. Aıtý kerek, bul jyldary aýdan áleýeti 10 esege artty. Qazirdiń ózinde 7 mlrd. teńgege jýyq qarajattyń ónerkásip ónimderi óndirilip jatyr. Investıtsııa ıkemdeýde de is ilgeri basqan.
Áleýmettik saladaǵy jetistikter demografııalyq ósimge de oń yqpalyn tıgizip otyr. El tynysh, jurt aman. Halyqtyń qarny toq, kóılegi kók. Kóńili jaılanǵan aq jaýlyqty batyr analar da memleket qoldaýyna ıe.
Shara barysynda Elbasy eńbegi jaıly kitaptar kórmesi uıymdastyryldy. Jas ónerpazdar kontserttik baǵdarlama uıymdastyrdy. Beıbitshiliktiń besiginde terbelgen elimizdiń tynyshtyǵy buzylmaı, alǵa qaraı qaryshtap damı berýine analardyń qosar úlesi orasan ekenin ekiniń biri jaqsy biledi. Óıtkeni, ana úıdiń uıytqysy, eldiń berekesi.
