Shardara jaǵalaýynda oınap júrgen 6 jasar bala joǵalyp ketti
ShARDARA. QazAqparat - Túrkistan polıtseıleri jaǵalaýda joǵalǵan 6 jasar balany tapty, dep habarlaıdy QazAqparat.
Shardara polıtsııasyna Jetisaı aýdanynyń turǵyny qońyraý shalyp, Shardara sý qoımasynyń «Altyn jaǵajaı» atty turǵyndardyń demalys ornyna arnalǵan jaǵalaýynda júrgen 6 jasar balasynyń joǵalǵanyn aıtyp, kómek surady.
Polıtseıler habar alysymen jedel áreketke kóshti. Shardara aýdanynyń ýchaskelik polıtsııa ınspektory polıtsııa kapıtany Baqytjan Nurtazaev joǵalǵan balany tabý úshin barlyq izdestirý jumysyn júrgizdi.
Ýchaskelik polıtseıge basqa da áriptesteri kómekke keldi. Olar balanyń sý jaǵalaýynda joǵalǵanyn eskerip, ýaqyt ótkizbesten jaǵalaýdyń mańyn tintı bastaıdy.
Nátıjesinde ýchaskelik polıtsııa ınspektory B.Nurtazaev 6 jasar búldirshindi Jetisaı aýdanyna shyǵatyn joldyń boıynan tabady.
Bala oınap júrip anasynan ajyrap qalǵan. Sodan bala adasyp jaǵalaýdan 7 shaqyrym jerge deıin alystap ketken.
Qazirgi tańda bala ata-anasyna aman esen qaıtaryldy. Balasymen qaýyshqan ata-ana tártip saqshylaryna alǵysyn jetkizdi.
