Shardara turǵyny tanysynyń atynan 14 mln teńge nesıe alǵan
ShARDARA. QazAqparat - Túrkistan polıtseıleri alaıaqtyq jolmen turǵynnyń atynan 14 mıllıon teńgege nesıe rásimdegen kúdiktini ustady, dep habarlaıdy QazAqparat.
Shardara aýdandyq polıtsııa bólimine alaıaqtyń qurbany bolǵan jergilikti turǵyn aryzdandy.
Onyń aıtýynsha, alys tanysy bank qosymshasy arqyly ózine aqsha aýdaryp alamyn dep aldap, 14 mıllıon teńgege atynan nesıe rásimdegen.
Polıtsııa qyzmetkerleri atalǵan jaıtty QR QK 190-baby boıynsha tirkedi.
Osyndaı jolmen turǵyndy aldap, óziniń quryǵyna túsirgen alaıaq adamdy ustaý úshin tájirıbeli tártip saqshylarynan jedel-tergeý toby quryldy.
Jedel-profılaktıkalyq is-sharalar barysynda, aqparat kózderi arqyly 2 táýlik ishinde kúdikti ustaldy.
Tártip saqshylary alaıaqty óziniń turǵylyqty úıinen taýyp, polıtsııaǵa jetkizdi.
Polıtseıler kúdikti dep tanylǵan jergilikti turǵynnyń iri kólemdegi aqshany qumar oıynǵa jumsap jibergenin anyqtady.
Qazirgi tańda atalǵan jaıtqa baılanysty tergeý amaldary júrgizilýde. Kúdikti azamattyń bas sharasy qolhatta.
Óz kezeginde Túrkistan oblysynyń polıtseıleri azamattarǵa alaıaqtardyń aılasyna aldanbaı, barynsha abaı bolýdy eskertedi.
Aqshańyzdy, bank kártishkeńizdiń qupııa sandaryn eshkimge aıtpaýǵa jáne bermeýge keńes beredi.
