Shardara sý qoımasynyń ortasynda qalyp qoıǵan qaıyqtaǵy 3 týrıst qutqaryldy

ShARDARA. QazAqparat - 101 telefonyna Shardara sý qoımasynda demalýshylardyń qaıyqpen sýǵa ketip, qaıta oralmaǵany týraly habar túsken, dep habarlaıdy QazAqparat TJM resmı saıtyna silteme jasap.

Oqıǵa ornyna jetkende qaıyq buzylyp, 3 adamnyń sý ortasynda qalyp qoıǵany anyqtaldy.

Qutqarý jumysyna Túrkistan oblysy jedel qutqarý jasaǵy jáne polıtsııa departamentiniń qyzmetkerleri jumyldyryldy.

Bir saǵat ishinde shuǵyl qyzmetter avarııalyq-qutqarý jumysyn aıaqtap, adamdardy jaǵaǵa shyǵardy.

Qutqarylǵandardyń jaǵdaıy birqalypty, medıtsınalyq kómek qajet bolǵan joq.

Túrkistan oblysy tótenshe jaǵdaılar departamenti sýdaǵy qaýipsizdik erejelerin qatań saqtaý qajettigin eske salady.