Shardara sý qoımasynda zańsyz balyq aýlaýshylarǵa tosqaýyl bolmaı tur
Sala mamandary 20 mamyrǵa deıin balyq aýlaýǵa tyıym salynǵanyn aıtady.
Alaıda reıd kezinde jergilikti turǵyndardyń ásirese túngi ýaqytta aý salatyny anyqtalǵan.
Nátıjesinde zańbuzýshylarǵa qatysty 65 ákimshilik hattama toltyrylyp, 7 qylmystyq is qozǵaldy.
Kelgen shyǵyn kólemi - 4,5 mln teńge.
Inspektorlardyń aıtýynsha, halyq zańdy durys bilmegendikten jıi zańbuzýshylyqqa barady.
Sondaı-aq, sý qoryqshylarynyń brakonerlermen tamyr-tanys bolýy da sebep bolyp jatady.
«Sý qoryqshylary da, zańsyz balyq aýlaýshylar da osy aýmaqtyń, jaqyn aýdandardyń azamattary. Tanys bolǵan soń sybaılastyqqa, aǵaıyn-týystyqqa jol berilip jatady. Qazir qarmaqpen balyq aýlaǵan jaǵdaıda QR ÁQBtK 383 babyna sáıkes jaýapkershilikke tartylyp, 10 aılyq eseptik kórsetkishten 20 aılyq eseptik kórsetkishke deıin aıyppul salynady. Al, toqpen nemese shanyshqymen aýlaǵan jaǵdaıda qylmystyq jaýapkershilikke tartylatyn bolady»,- deıdi Aral-Syrdarııa balyq sharýashylyǵy basseıini Túrkistan oblysy boıynsha ınspektsııasy bólimi basshysynyń orynbasary Meıirjan Ómiralıev.
