Shardara sý qoımasyna qosymsha arna salý egjeı-tegjeıli zertteýdi talap etedi

ASTANA. QazAqparat – Premer-Mınıstr Álıhan Smaıylov Senat depýtattarynyń apattyq jaǵdaıda sý aǵyzatyn qosymsha arna salý týraly usynysyna jaýap berdi, dep habarlaıdy QazAqparat tilshisi.

«Shardara sý qoımasynan ótkizý qabileti 1 500 m3/sek apatty sý tógindisin salý máselesi onyń oryndylyǵy men ekonomıkalyq quramdas bóligi turǵysynan egjeı-tegjeıli zertteýdi talap etedi», - dep jazylǵan Úkimet basshysynyń depýtattyq saýalǵa joldaǵan jaýabynda.

Álıhan Smaıylov keltirgen málimet boıynsha, keıingi jyldary Shardara sý qoımasyna kelip túsetin sýdyń qarqyny sekýndyna 2 000 tekshe metrden aspaıdy. Demek, ázirge onyń sý aǵyzý qabiletin 3500 tekshe metrge jetkizý qajettiligi týyndap turǵan joq.

«Shardara sý qoımasynan apatty sý tógý jobasy 3 500 m3/s artyq aǵyn bolǵan jaǵdaıda sý qoımasynan sýdy avarııalyq ótkizýdi kózdeıdi. Qazirgi ýaqytta Shardaranyń jalpy aǵyzý qabileti – 2 000 m3/s. Bul rette sońǵy ýaqyttaǵy ortasha kópjyldyq derekter Shardaraǵa túsetin aǵynnyń 2 000 m3/s aspaıtynyn kórsetedi. Sonymen qatar, joba 40-50 mlrd teńge bolady», - dep jazady Premer-Mınıstr.