Shardara sý qoımasynan zańsyz balyq aýlaǵan brakonerler ustaldy

TÚRKІSTAN. KAZINFORM- Kúdiktilerden 3 qap balyq, tirkelmegen 3 qaıyq jáne zańsyz elektr qurylǵylary tárkilendi.

Túrkistan oblysynyń mamandandyrylǵan tabıǵat qorǵaý prokýratýrasymen júrgizilgen is-shara barysynda Shardara sý qoımasynan elektr togyn paıdalaný arqyly zańsyz balyq alý faktisi anyqtaldy.

Shuǵyl tergeý áreketteri júrgizilip, zattaı dáleldeme retinde Nıva avtokóligi, úsh qap balyq, tirkelmegen 3 qaıyq jáne zańsyz elektr qurylǵylary alyndy.

«Atalǵan jaǵdaı QR QK 335-baby 1-bóliginiń 2) tarmaǵymen tirkeldi. Sotqa deıingi tergep-tekserýdiń barysy oblys prokýratýrasynyń qatań baqylaýyna alyndy» delingen Túrkistan oblysy prokýratýrasynyń baspasóz qyzmeti taratqan aqparatta.