Shardara men Kóksaraıdyń jaǵdaıy únemi baqylaýda – Ekologııa mınıstri
«Elimizdiń ońtústigindegi gıdrotehnıkalyq qurylystardyń tolýy men olarǵa sý kelýin erekshe baqylaýda ustap otyrmyz. Máselen Syrdarııa basseınindegi sý sharýashylyǵy jaǵdaıy kelesideı: Búgingi kúni Shardara sý qoımasynda jınalǵan sý kólemi 5110 mln m3. Kóksaraı sý rettegishinde jınalǵan sý kólemi – 1810 mln m3. Shardara sý qoımasynyń jáne Kóksaraı sýrettegishiniń jaǵdaıy únemi baqylaýda», - dedi Ekologııa mınıstri Úkimettiń búgingi otyrysynda.
Sonymen birge, bıylǵy eki aıda Aralǵa 807 mln m3 sý jiberildi, bul Aral teńiziniń ekojúıesine oń septigin tıgizedi. Qazaqstannyń shyǵysynda jáne soltústiginde ornalasqan jóndeýdi qajet etetin gıdrotehnıkalyq qurylystar tranzıttik rejımge kóshirildi.
«Respýblıka aýmaǵynda barlyǵy 1806 tirek gıdrotehnıkalyq qurylystar bar. Bıyl 28 aqpandaǵy jaǵdaı boıynsha 1501 GTQ tekserilip, 534 nysan jóndeýdi talap etetini anyqtaldy, onyń ishinde respýblıkalyq menshikte – 106, kommýnaldyq menshikte 359, jeke menshikte – 50, ıesiz – 19», - dedi Z. Súleımenova.
