Shardara maqtashylary mol ónim jınady
ShYMKENT. QazAqparat - Shardaralyq maqtashylar el Táýelsizdiginiń 25 jyldyǵy merekesine úlken tartý jasap otyr, dep habarlaıdy aýdan ákimdiginiń baspasóz qyzmeti.
12 291,2 gektar alqaptan mejelengen 33 309 tonnanyń ornyna 33 806 tonna shıtti maqta jınaǵan shardaralyqtar senim údesinen shyǵa bildi. Aýdan dıqandary qajyrlyń eńbektiń, agrotehnıkalyq talaptarǵa saı maqtany kútip-baptaý sharalaryn óz deńgeıinde atqarǵanynyń nátıjesinde bıik kórsetkishke jetti. Gektar berekeliligin 27,5 tsentnerden aınaldyrǵan dıqandar qaýymy osylaısha eren erliktiń úlgisin kórsetip otyr. Mol ónimge qol jetkizýde Q.Turysbekov, Kóksý jáne Alataý batyr aýyldyq okrýginiń maqtashylary súbeli úlesterin qosty. Sondaı-aq, Jaýshyqum aýylynda tamshylatyp sýarý ádisimen 240 gektarǵa maqta egip otyrǵan «Iirjar agro» JShS-i de mol ónim alýǵa qol jetkizdi. Seriktestik dıqandary mejelengen 960 tonna shıtti maqtanyń ornyna 1224 tonna maqta alyp, ár gektardan ortasha 51 tsentnerden ónim jınady.
Kóksý aýyldyq okrýgindegi «Toqaı» sharýashylyǵynyń tóraǵasy Asan Ádilbekov bıyl da gektar túsimin arttyryp otyr. Maıtalman maqtashynyń qaramaǵyndaǵy 9,5 gektar alqaptyń ár gektarynan 61,4 tsentner ónim jınalǵan. Alataý batyr aýylyndaǵy Dúısen Lesov basshylyq jasaıtyn «Rahymjan» sharýa qojalyǵy 15 gektar maqtalyqtan 47 tsentnerden ónim aınaldyrdy. Jekelegen maqta terimshiler arasynda kóksýlyq Dúısenkúl Serkebaıǵa shaq keler jan bolǵan joq. Jıyn-terim naýqany bastalǵaly D.Serkebaı 20 gektar maqtalyqtyń ár gektarynan 61,2 tsentnerden maqta terip, qyrmanǵa 123 tonna aq ulpa jınady. Maqtashylardyń meje josparyn artyǵymen oryndaǵan kórsetkishi týraly aýdan ákimi Arman Abdýllaev oblys basshysy Janseıit Túımebaevqa arnaıy raport joldady. Qazirgi tańda aýyldyq okrýgterde maqta jınaý naýqany tolastaǵan joq. Sharýalar alqaptaǵy ónimdi jaýyn-shashynǵa uryndyrmaı jınap alý úshin ýaqytpen sanaspaı eńbek etýde.
