Shardara qalasynda grek-rım kúresinen el chempıonaty bastaldy
ShARDARA. QazAqparat – Túrkistan oblysy Sharadara qalasynda grek-rım kúresinen el chempıonatynyń ashylý saltanaty ótti. Baıraqty básekede 2005-2006 jyly týǵan jasóspirimder ózara myqtyny anyqtaıdy, dep habarlaıdy QazAqparat tilshisi.
Jarystyń ashylý saltanaty barysynda alǵashqy sóz kezegin alǵan Shardara aýdany ákiminiń orynbasary Baýyrjan Shompıev shaharda grek-rım kúresinen el chempıonatynyń tuńǵysh ret ótip jatqanyn jáne Shardara topyraǵynan 56 álem chempıony shyqqanyn tilge tıek etti.
Al, oblystyq dene shynyqtyrý jáne sport basqarmasy basshysynyń orynbasary Aıtjan Berdashov osy jarystyń uıymdastyrýshylaryna alǵys aıtty. Sóıtip el chempıonatyna qatysqaly otyrǵan barsha sportshylarǵa sáttilik tiledi.
Grek-rım kúresinen Qazaqstan ulttyq qurama komandasynyń jetekshisi Abylaıhan Qylyshbaev elimizde grek-rım kúresin damytýǵa sińirip júrgen eńbegi úshin alǵys hatpen jáne estelik syılyqpen marapattaldy.
Jarys bastala salysymen jas sportshylar boz kilemge shyǵyp, sheberligin baıqatty. Chempıonat jeńimpazdary aldaǵy kúnderi belgili bolady.
