Shardara qalasynan shyǵatyn las káriz sýlarynyń Syrdarııaǵa qosylyp ketý qaýpi bar

Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan depýtat Orynbaı Rahmanberdıev osylaı málim etti.

«Ońtústik Qazaqstan oblysynyń Shardara qalasynda búgingi kúni 30 myńnan astam halyq turady. Qalanyń 70 jyldary salynǵan sarqyndy sý júıeleri qazirgi kúni tolyq isten shyqqan. Káriz sýlary ashyq súzgi alańynda jınalady. Bundaı jıyndy las sýdyń Syrdarııa ózenine túsý qaýpi týyndap otyr. Sondyqtan da, bul jaǵdaı ınfektsııalyq aýrýlardyń órshýine sebep bolyp, ekologııalyq apatqa uryndyrýy múmkin. Endeshe, ońtústiktegi kezek kúttirmeı sheshetin máseleniń biri osy», - dedi senator. Osyǵan baılanysty O. Rahmanberdıev, bıýdjetten aǵymdaǵy jyly atalǵan problemany sheshýge tıisti qarajat bólýdi surady. Ketetin shyǵyn 1 mlrd. 133 mln. teńge shamasynda eseptelipti.