Shardara balyǵynyń 70 paıyzy shetelge eksporttalyp jatyr

Osy salany damytý maqsatynda aýyl sharýashylyǵy mamandary Shardara aýdanynda bas qosty,  dep habarlaıdy QazAqparat HAA tilshisi.

Ońtústik Qazaqstan oblysy ákimdiginiń aýyl  sharýashylyǵy  kooperatıvterin  qurý boıynsha qolǵa alynǵan kezekti semınar-keńeske  oblystyq aýyl sharýashylyǵy basqarmasy basshysynyń orynbasary A.Qanybekov pen aýdan ákiminiń orynbasarlary jáne sharýa qojalyqtarynyń  basshylary  qatysty.

 

Shardara aýdanynda búgingi kúnge deıin balyq, maqta, mal sharýashylyǵy men kókónis pen baý-baqsha baǵyttarynda 19 kooperatıv qurylǵan. Semınarǵa qatysýshylar kooperatsııaǵa beriletin nesıeniń tıimdiligi  men balyq sharýashylyǵyn damytý maqsatynda Shardara aýdanyndaǵy «Hamıt» óndiristik kooperatıviniń jumysymen tanysty. Onda balyq jáne kókónis sharýashylyǵy kooperatıvterin qurý baǵyttaryn talqylady.

Aıta keteıik, «Hamıt» óndiristik kooperatıvinde balyqtyń 10 túri ázirlenedi. Sapaly ónim shyǵaratyn kásiporyn jylyna 3 myń tonnaǵa deıin balyq óńdeıdi. Jalpy ónimniń 70 paıyzy Reseı, Germanııa jáne Izraıl syndy elderge eksporttalsa, al 30 paıyzy ishki naryqta saýdalanýda.

Jalpy oblysta búginde 3 balyq óńdeý zaýyty men 28 balyq sharýa qojalyǵy bar. Bul kásiporyndarda jylyna 6 myń tonna balyq óńdeledi. Aldaǵy ýaqytta da osy salanyń damý kókjıegin keńeıtip, sýbsıdııalaý máselesin sharýalarǵa túsindirgen basqarma basshysynyń orynbasary balyq sharýashylyǵynda  koopertıvter  qurý  arqyly  ónimniń kólemin  ulǵaıtýǵa bolatynyn jetkizdi.

Balyq sharýashylyǵyn kásipke aınaldyrǵan Shardarada  búginde 3 balyq óńdeý zaýyty jumys isteıdi. Onyń ishinde «Hamıt» jáne «Shardara balyq - 1» kásiporyndary óz jumystaryn jolǵa qoıyp úlgergen. Al ótken jyly Údemeli ındýstrıaldy-ınnovatsııalyq damý baǵdarlamasy sheńberinde taǵy bir zaýyt iske qosylǵan.  Balyq óńdeý kásipornynda 40 adam jumyspen qamtylǵan.