Shardara aýdanynda «servıstik ákimdik» ashyldy
Qalalyq ákimdik janynan ashylǵan jańa nysannyń ashylý rásimine Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń orynbasary Mıras Qarǵabaı men Shardara aýdanynyń ákimi Qaırat Joldybaı qatysyp, jergilikti turǵyndarǵa ashyq ári tıimdi qyzmet kórsetý maqsatynda ashylǵan «servıstik ákimdiktiń» múmkinshiligimen tanysty.
Jańa keńsede memlekettik qyzmettiń 70-ten asa túri kórsetiledi. Olardyń qatarynda jer qatynasy, aýylsharýashylyq, turǵyn-úı sharýashylyq, jolaýshylar kóligi jáne avtomobıl joldary, qurylys, sáýlet jáne qala qurylysy salalaryna qatysty qyzmet kórsetilmek. Sondaı-aq, turǵyndar dene shynyqtyrý jáne sport, jumyspen qamtý jáne áleýmettik baǵdarlamalar men bilim bólimderi boıynsha saýaldaryna jaýap ala alady.
Mamandar azamattardy qabyldap, ótinishin jedel qarasytyrady. Quqyqtyq keńes berip, memlekettik qyzmetterdi qoljetimdi kórsetý múmkinshilikteri qarastyrylǵan. «Servıstik ákimdik» azamattarǵa qolaıly jaǵdaı jasaýǵa jáne tutynýshylardyń kedergisiz qyzmet alýlaryna múmkindik berip, sybaılas jemqorlyq táýekelderin azaıtýǵa tikeleı yqpal etetin bolady.
Jyl sońyna deıin Túrkistan oblysyna qarasty aýdan-qalalarda Memleket basshysynyń «Halyq únine qulaq asatyn memleket» tujyrymdamasyn iske asyrý maqsatynda «servıstik ákimdikterdiń» qatary kóbeıip, atqarýshy bılik ókilderi men óńir azamattarynyń arasynda ashyqtyq qaǵıdaty qalyptaspaq.