Shardara aýdany bilim bóliminiń basshylary 3,7 mlrd teńge jymqyrdy degen kúdikke ilindi
ASTANA. KAZINFORM – Sybaılas jemqorlyqqa qarsy qyzmettiń Túrkistan oblysy boıynsha departamenti Shardara aýdany bilim bóliminiń laýazymdy tulǵalaryna qatysty sotqa deıingi tergeýdi aıaqtady.
QR Sybaılas jeıqorlyqqar qarsy is-qımyl agenttigi baspasóz qyzmetiniń habarlaýynsha, 12 qatysýshydan turatyn turaqty uıymdasqan topqa, onyń ishinde bólim basshylary men olardyń baǵynysty býhgalterleri bilim berý salasynda naqty jumys istemegen jeke tulǵalarǵa, sondaı-aq ózderiniń jeke shottaryna jalaqyny zańsyz aýdarý jolymen 2020-2023 jyldar kezeńinde bıýdjet qarajatyn jymqyrdy degen kúdik keltirilip otyr.
Qylmystyq áreketterdiń saldarynan memleketke 3,7 mlrd teńge kóleminde zalal keltirildi.
Qabyldanǵan sharalarǵa sáıkes jalpy somasy 639,8 mln teńgege zalal óteldi jáne múlikke tyıym salyndy.
Qazirgi ýaqytta qylmystyq is sotqa deıingi tergeýdiń aıaqtalýy týraly eseppen prokýratýraǵa jiberildi.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
QR Sybaılas jemqorlyqqa qarsy is-qımyl agenttiginiń baspasóz qyzmetiniń habarlaýynsha, agenttik bilim berý salasyndaǵy júıeli jemqorlyq faktileriniń jolyn kesý boıynsha jumysty jalǵastyrýda.
Osy rette jymqyrý táýekelderin barynsha azaıtý úshin barlyq óńirlerde biryńǵaı býhgalterlik esep júıesi engizildi, bul joǵary jalaqy men «Joq jandardy» esepteı otyryp, alaıaqtyqty ýaqtyly toqtatýǵa, jalǵan derekterdiń engizilýine tosqaýyl qoıýǵa múmkindik beredi.
Qazir ákimdikter aı saıyn bilim berý uıymdarynyń býhgalterlik esep júıelerin qazynashylyq esepterimen avtomatty túrde salystyryp otyrady. Kez kelgen sáıkessizdikter eki ret tekseriledi.
Sonymen qatar, Іshki memlekettik aýdıt komıteti jáne onyń aýmaqtyq departamentteri bıylǵy tamyzdan bastap jalaqyny negizsiz aýdarý turǵysynan tólemderdi kameraldyq baqylaýdy júzege asyrady.
Barlyq kúdikti operatsııalar Sybaılas jemqorlyqqa qarsy qyzmetke, bilim basqarmasyna jáne aýdarym jasaǵan uıymnyń ózine taldaý jasaý úshin túsedi.
Bul barlyq kúdikti operatsııalardy baqylaýǵa jáne quqyq buzýshylyqtardy anyqtaýǵa múmkindik beredi.
2023 jyldyń basynan bastap osy salada barlyǵy 297 qylmystyq is júrgizildi. Qylmys jasaýda 406 adam áshkerelenip, onyń ishinde 196 adam túrli jazalaý sharalaryna sottaldy.