Sharapova jýrnalıst bolmaq
ASTANA. 18 qarasha. QazAqparat - Belgili tennısshi Marııa Sharapova Sochıdegi Olımpıada oıyndary - 2014 kezinde teletúsiniktemeshi bolyp, amerıkandyq NBC telearnasy úshin reportajdar daıyndamaq, dep habarlady Ýtro.rý
."Marııa búginde álemdegi tanymal juldyzdardyń birine aınaldy. Ol alty jasyna deıin Sochıde ósip-óngen, onda týystary men dostary turady, sondyqtan da odan kórermender oqıǵaǵa biregeı kózqarasyn kútedi", - dep "reseılik "Jańalyqtar" agenttigi NBC atqarýshy prodıýseri Djım Belldiń sózin keltirgen.
Marııa Sharapova Forbes nusqasy boıynsha eń baı sportshylar reıtıngisine kiredi. 2012-2013 jyldardaǵy maýsymda Sharapovanyń kirisi 29 mıllıon dollarǵa jetken. Ol kortta nebári 6 mln. dollar tapqan, qalǵan 23 mln. dollar jarnamalyq kelisim-sharttardan túsken.
