Sharaa 1967 jyldan beri BUU otyrystaryna qatysqan alǵashqy sırııalyq kóshbasshy bolmaq

ASTANA. KAZINFORM — Sırııa prezıdenti Ahmed ash-Sharaa BUU Bas assambleıasynyń otyrysyna qatysý úshin Nıý-Iorkke keldi, dep habarlaıdy ANEWS.TV.

Memlekettik aqparat agenttiginiń habarlaýynsha, Sırııa prezıdenti 1967 jyldan beri bul sharaǵa alǵash ret qatysyp otyr.

Ál-Qaıdanyń burynǵy jetekshisi Sharaa mamyr aıynda AQSh prezıdenti Donald Tramppen kezdesken. Er-Rııadtaǵy kezdesýde Aq úı basshysy ony moıyndap, Sırııa prezıdenti dıplomatııalyq jetistikke qol jetkizdi.

— Osydan keıin AQSh Sırııaǵa salynǵan sanktsııalardyń kópshiligin alyp tastady. Al Tramp ákimshiligi Sharaanyń eldi biriktirý jáne turaqtandyrý jónindegi kúsh-jigerin qoldaıtynyn bildirdi, — delingen aqparatta.

Ahmed ash-Sharaa seısenbide Bas Assambleıanyń sessııasynda óziniń ınaýgýratsııalyq sózin aıtady dep josparlanǵan.

Aıta keteıik, tálipter Tramptyń Bagram áýebazasyn qaıtarý týraly talabyn qabyldamady.