Shara Jıenqulovanyń 100 jyldyǵyna oraı qazaq bıinen IV Respýblıkalyq baıqaý ótedi
ASTANA. 8 mamyr. QazAqparat - Astanada Qazaqstannyń birinshi kásibı bıshisi Shara Jıenqulovanyń týǵanyna 100 jyl tolýyna arnalǵan qazaq bıinen IV Respýblıkalyq baıqaý ótedi.
Baıqaý Qazaq ulttyq óner ýnıversıtetinde 2012 jyldyń 16-18 mamyry aralyǵynda ótedi.
Merekelik shara 16 mamyr kúni qazylar alqasy men qatysýshylardyń baspasóz máslıhatynan keıin bastalady.
Jıenqulova Shara (Gúlshara) Baımoldaqyzy 1912 jyly Almatyda dúnıege keldi. Bıshi, pedagog, Qazaqstannyń halyq artısi (1938; 1936 jyldan Qazaqstannyń eńbek sińirgen artısi). Óner jolyn Qazaq drama teatrynan bastady. Tuńǵysh oınaǵan róli - B.Maılınniń "Maıdan" pesasyndaǵy - Púlish. Budan keıin Eńlik, Qaragóz (M.Áýezovtiń "Eńlik- Kebek" pen "Qaragózinde"), t.b. rólderdi somdady. 1934 j. Mýzykalyq drama teatryna (qazirgi Qazaq opera jáne balet teatry) aýysty. Munda Áýezovtiń "Aıman-Sholpan" mýzykalyq dramasynda, E.G. Brýsılovskııdiń "Qyz Jibek "Jalbyr" jáne «Erń tarǵyn» operalarynda ulttyq bılerdi oryndady.
1936 j. Máskeýde ótken Qazaq ádebıeti men óneriniń onkúndigine qatysyp, ulttyq bı ónerimizdiń ásemdigine ózge halyq ókilderin tánti etti. Qazaqtyń tuńǵysh ulttyq baleti - "Qalqaman-Mamyrda " (1938) Mamyrdyń partııasyn oryndady. 1938 j. "Amangeldi" fılminde Balymnyń rólin ekranǵa shyǵardy. Baletmeıster L.A. Jýkovpen birlesip I.N. Nadırovtyń "Kóktem" baletin qoıdy.
Qazaqstan memlekettik syılyǵynyń laýreaty (1968). Lenın ordenimen, eki ret Eńbek Qyzyl Tý, "Qurmet Belgisi " ordenderimen jáne medaldarmen marapattaldy.
