Shaolın ǵıbadathanasynyń jańa basshysy taǵaıyndaldy

ASTANA. KAZINFORM – Shı Inle Shaolın ǵıbadathanasynyń jańa bas sharapatshysy mindetin atqaratyn boldy. Bul týraly seısenbi kúni ǵıbadathana ákimshiligi málimdedi, dep habarlaıdy Sınhýa agenttigi.

Habarlamada atap ótilgendeı, sheshim ǵıbadathananyń monahtar qaýymdastyǵynyń demokratııalyq talqylaýynan keıin jáne tıisti rásimderge sáıkes qabyldanǵan.

Buǵan deıin, 28 shildede Qytaıdyń býddıstik qoǵamy Shaolın ǵıbadathanasynyń burynǵy sharapatshysy Shı ıÝnsınniń monahtyq mártebesi kúshin joıǵanyn jarııalaǵan bolatyn.

Ol qylmystyq quqyqbuzýshylyqtarǵa, sonyń ishinde joba qarajattaryn talan-tarajǵa salý men hram múlkin ıemdenýge baılanysty kúdikke ilingen. Sonymen qatar býdda erejelerin óreskel buzǵany, birneshe áıelmen uzaqqa sozylǵan orynsyz qarym-qatynasy jáne zańsyz týǵan keminde bir balasy bary úshin aıyptalyp otyr.

Aıta keteıik, Shı ıÝnsın búkil álemge áıgili býddıstik ǵıbadathana jáne kýng-fý óneriniń otany sanalatyn Shaolın ǵıbadathanasynyń 30-shy bas sharapatshysy bolǵan.

Buǵan deıin Ortalyq Qytaıdyń Henan provıntsııasyndaǵy Shaolın ǵıbadathanasynyń bastyǵy Shı ıÝnsındi birneshe vedomstvo tergep jatqanyn habarladyq.