«Shańyraq» baǵdarlamasy: Almatyda 55 otbasyǵa páter kiltteri tabystaldy
«Nurly jer» baǵdarlamasynyń «Shańyraq» pılottyq jobasyna qatysýshylardy nesıelendirý» baǵyty boıynsha «Otbasy banki» AQ Alma City 5 turǵyn úı keshenindegi 440 páterge rezerv jasaǵan. Bul týraly Almaty qalasy Turǵyn úı saıasaty basqarmasynyń basshysy Danııar Qyryqbaev Instagram-paraqshasynda jazdy.
«Búgingi tańda «Otbasy banki» AQ-ǵa tólem qabilettiligin rastaǵan 389 azamattyń tizimi berildi. Biz turǵyn úıdi satyp alý-satý sharttaryn tirkeý jumystaryn júrgizdik. Tirkeýshi organ men bankten rastaıtyn qujattardy usynǵan baǵdarlama qatysýshylary senbi kúni úılerine kirdi. Baǵdarlamaǵa ákimdikte kezekte turǵandardyń barlyǵy qatysa alady»,- dedi ol.
Turǵyn úı nesıesi 18 mıllıon teńgege deıin jyldyq 5 paıyzdyq mólsherlememen beriledi. Bastapqy jarna - 10 paıyz, nesıe merzimi - 20 jylǵa deıin.
Aıta keteıik, Almatyda kezekte turǵan 2088 adam «Nurly jer» baǵdarlamasy boıynsha baspanamen qamtylǵan, onyń 1631-i páterlerin bıyl aldy.
