«Shańyraq Agro» seriktestigi 249 paıshynyń jer telimin negizsiz ıemdengen

«Aqmola oblysyndaǵy tekserý nátıjeleri boıynsha Tselınograd aýdanyndaǵy 249 paıshynyń jer telimderin negizsiz ıemdengen «Shańyraq Agro» JShS-ǵa jer ýchaskesin berý jónindegi konkýrs qorytyndylaryn joıý týraly sotqa talap qoıý berildi», - delingen Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi komıssııa taratqan aqparatta.

Munan bólek, komıssııa málimetinshe, Almatyda iri kóterme saýda bazaryndaǵy («Barys–4») olıgopolııalardyń biriniń úlesi quny 5 ese tómen baǵamen (naryqtyq baǵasy - 1.5 mlrd teńge, 307 mln teńgege satyldy) satylǵany anyqtaldy. Bıyl shildede mámileni buzý jáne nysandy memleketke qaıtarý maqsatynda talap qoıý engizildi.

«2019 jyly «Saltanat úıi» JShS-nyń atyna 601 mln teńge mólsherinde tómendetilgen quny boıynsha nysannyń satylǵany anyqtaldy. Al nysannyń naryqtyq quny 3 mlrd teńgeni quraıdy. Qabyldanǵan sharalardyń nátıjesinde 2022 jylǵy 28 maýsymda satyp alýshy buryn satyp alynǵan ǵımarat úshin 2 mlrd 400 mln teńge qosymsha tólem jasady», - dep atap ótedi komıssııadan.