Shanhaılyq kompanııalar Astana Hub-qa shaqyrtý aldy

ShANHAI. QazAqparat - Búgin Shanhaıda Qazaqstan Respýblıkasynyń vıtse-premeri Asqar Jumaǵalıev 5G-tehnologııalardy jasaý jáne «aqyldy qalalar» júıesin damytý salasyndaǵy aldyńǵy qatarly telekommýnıkatsııalyq kompanııalardyń jáne ǵylymı-zertteý ortalyqtarynyń basshylyǵymen kezdesti, dep habarlaıdy QazAqparattyń Qytaıdaǵy menshikti tilshisi. 

Qazaqstandyq delegatsııa «R&D Nokia Shanghai Bell» ınnovatsııalyq óńdeýler ortalyǵynyń prezıdenti Sın ıÝanmen kezdesip, laboratorııadan shyqqan aldyńǵy qatarly tehnologııalarmen tanysty.

Sondaı-aq, A.Jumaǵalıev Huawei jáne «aqyldy qalalardy» zertteý jónindegi Pýdýn Akademııasynyń basshylyǵymen kezdesti. Otyrys barysynda Qytaı bıligi elektrondyq úkimet, smart-sıtı júıelerin damytýdaǵy tájırıbesimen almasyp, «Tsıfrlyq Qazaqstan» baǵdarlamasyn júzege asyrýda yntymaqtastyq ornatýdyń mańyzdylyǵyn talqylady.

Vıtse-premer aqparattyq-kommýnıkatsııalyq tehnologııalar salasyndaǵy shanhaılyq kompanııalar men ǵylymı-zertteý ortalyqtaryn Qazaqstanda qurylyp jatqan Astana Hub - IT-startaptary halyqaralyq tehnoparkiniń jumysyna atsalysýǵa shaqyrdy.

Eske salaıyq, Shanhaıǵa bir kúndik jumys saparymen kelgen A.Jumaǵalıev bastaǵan qazaqstandyq delegatsııa «Qazaqtelekom» AQ qatysatyn Halyqaralyq mobıldik kongreske barǵan bolatyn. Vıtse-premerdiń qatysýymen qazaqstandyq operator jáne Nokia kompanııasy arasynda Qazaqstanda 5G jelisin testileý jónindegi memorandýmǵa qol qoıyldy. 

A.Jumaǵalıev Shanhaı qalasynyń vıtse-meri Sıýı Kýnlınmen kelissóz júrgizip, Shanhaı bıligin Astanamen tsıfrlyq salada tájirıbe almasýdy kúsheıtýge shaqyrdy.