Shanhaıdaǵy RF Bas konsýldyǵynda Jeńistiń 70 jyldyǵyna arnalǵan sharada «Otan Ana» áni shyrqaldy

BEIJІŃ-ShANHAI. QazAqparat - QHR Shanhaı qalasynda RF Bas konsýldyǵynda Jeńistiń 70 jyldyǵyna arnalǵan qabyldaýda qazaqstandyq stýdentter ulttyq bı bılep, Batyrhan Shúkenovtyń «Otan Ana» ánin shyrqady.

Sharany uıymdastyrýǵa reseılik dıplomattarmen qosa, Qazaqstan, Belarýs, Ózbekstan bas konsýldyǵy qyzmetkerleri de belsendi qatysty. Shaqyrylǵan qonaqtardyń ishinde Shanhaı qalasy basshylyǵy, Qytaı Kompartııasy Shanhaı komıtetiniń ókilderi, qoǵamdyq saıası jáne ǵylymı orta, dıplomatııalyq korpýs ókilderi men TMD elderiniń azamattary bar.

Jıynda maıdanda 1 mln 500 myń qazaqstandyq qatysyp, olardyń jartysy elge oralmaǵany aıtyldy.