Shanhaıdaǵy halyqaralyq týrnırde Qazaqstannyń bes boksshysy fınalǵa shyqty

NUR-SULTAN. QazAqparat - Shanhaıda ótken halyqaralyq týrnırde Qazaqstannyń taǵy da úsh boksshysy fınalǵa shyqty, dep habarlaıdy QazAqparat Olympic.kz-ke silteme jasap.

Aldymen jartylaı fınal jekpe-jekterinde aǵaıyndy Aıbek pen Nurbek Oralbaı jeńiske jetti. Artynsha, olardyń qataryna Nurbol Qaljanov (56 kg deıin), Samatáli Tóltaev (60 kg deıin) jáne Talǵat Shaıken (81 kg deıin) qosyldy. Taǵy bir qazaqstandyq sportshy Shalqar Aıqynbaı (49 kg deıin) týrnırdi qola medalmen aıaqtady.

Fınaldaǵy juptar mynalar:

56 kg - Nurbol Qaljanov - Chen Jıhao (Qytaı);

60 kg - Samatáli Tóltaev - Mıshılt Batvmýr (Mońǵolııa);

69 kg - Talǵat Shaıken - Djoel Envertso Baho (Fılıppınder);

81 kg - Nurbek Oralbaı - Jan Jıle (Qytaı);

91 kg - Aıbek Oralbaı - Relamý Abýderıksıtı (Qytaı).

Fınaldyq jekpe-jekter 8 maýsym kúni Nur-Sultan ýaqytymen 15:00-de bastalady.