Shanhaıdaǵy Dısneılend úsh aı úzilisten keıin qaıta ashyldy
ShANHAI. QazAqparat - Dúısenbi kúni Shanhaı Dısneılendi koronavırýs pandemııasyna baılanysty karantınnen keıin ashylǵan álemdegi Ýolt Dısneı parkiniń alǵashqysy boldy, dep habarlaıdy QazAqparat Chinadaily News agenttigine silteme jasap.
11 mamyrda saıabaqta tanymal «Mınnı florasy» aınalasynda arnaıy ashylý rásimi ótti.
Akterler men shaqyrylǵan qonaqtar Dısneıdiń 30 shaqty keıipkerine, sonyń ishinde Mıkkı Maýs pen onyń dostaryna, Daffı men onyń dostaryna qosyldy.
«Biz búgin Shanhaı Dısneılendin ashyp jatqanyyzǵa óte qýanyshtymyz... Biz qonaqtardy asyǵa kútemiz», - dedi Shanghai Disney Resort prezıdenti jáne bas dırektory Djo Shott.
Basshylyq jańa erejelerdi engizdi, atap aıtqanda bıletterdi aldyn ala brondaý, oıyn-saýyq mekemesiniń barlyq aýmaǵynda qashyqtyqty saqtaý, sondaı-aq tazalaý jáne dezınfektsııalaý jıiligin arttyrý.
Eske salaıyq, park 25 qańtarda Qytaıda koronavırýs órship turǵan shaqta jabylǵan edi.
