Shanhaıdaǵy AQSh konsýldyǵy ǵımaratyna kólik soǵyldy
BEIJІŃ. QazAqparat - Keshe keshke Shanhaı qalasyndaǵy AQSh bas konsýldyǵynyń ortalyq qaqpasyna avtomobıl soǵyldy. Kólik ishinde qytaılyq azamat bolǵan, dep habarlady «Sınhýa» agenttigi.
«Jergilikti ýaqytpen saǵat 21.43-te Fýtszıan provıntsııasynda tirkelgen qara tústi «Toıota» kóligi Ońtústik Úrimji jolynyń boıymen kele jatyp, kenetten ońǵa burylyp dıpmıssııany kúzetip turǵan áskerı qyzmetkerdi jaraqattady», - dep jazdy basylym Shanhaı qoǵamdyq qaýipsizdik basqarmasyna silteme jasap.
Júrgizýshi oqıǵa ornynda ustaldy. Ol Fýtszıan provıntsııasynyń Sanmın qalasynyń 35 jastaǵy Lıý Daotsze esimdi turǵyny bolyp shyqty. Onyń sózine qaraǵanda, iri kompanııa basshysy retinde ony bireý óltirmek bolǵanyn sezip, polıtsııanyń nazaryn ózine aýdarý úshin osyndaı áreketke barǵan.
Ustalǵan azamat «kúzetilip turǵan mekemeni» soqqanda osydan basqa maqsatty kózdemegenin aıtýda.
Tergeý amaldary jalǵasýda.
