Shanhaıda júk ushaǵy apatqa ushyrady
ASTANA. Qarashanyń 28-i. QazAqparat - Júk ushaǵy Shanhaıdyń halyqaralyq áýjaıynda apatqa ushyrady, ekıpajdyń jeti múshesin qutqarý jumystary júrgizilýde,
dep habarlaıdy QazAqparat RIA «Novostı» agenttigine silteme jasap.
Zımbabveniń júk laıneri «Pýdýn» áýjaıynda jergilikti ýaqyt boıynsha saǵat 07:40-ta apatqa ushyrady. Jerden kóterilgennen keıin kóp uzamaı ushaqtyń quıryq bóligi jana bastaǵan jáne jerge qulap túsken. Qolda bar derekterge qaraǵanda laınerdiń bortynda jeti adam bolǵan. Qazirgi ýaqytta olardyń tórteýi qırandylardyń arasynan qutylyp shyqty. Olardyń barlyǵy da túrli dárejedegi jaraqattar alǵan. Qalǵan úsheýin izdeý jalǵastyrylýda.
Qytaıdyń ortalyq teledıdarynyń (CCTV) aqparatynsha «Pýdýn» áýjaıyndaǵy apatqa baılanysty eki ushý-qoný jolaǵy jabylǵan.
