Shanhaıda ushaq kópirge soǵyldy (VIDEO)

ASTANA. QazAqparat - Shanhaıda gıdroushaq kópirge soǵyldy, dep habarlady RIA Novostı Halyqaralyq qytaı radıosyna (CRI) silteme jasap.

Radıonyń aqparatynsha, oqıǵa qaladaǵy jaǵajaılardyń birinde oryn aldy. Bul quny shamamen 4,5 mıllıon dollardy quraıtyn gıdroushaqtyń alǵash ret ushýy edi.

Ushaq bortynda on adam - eki ushqysh pen segiz jolaýshy bolǵan. Tórteýi qutqaryldy, qalǵany izdestirilýde.

Apatqa tehnıkalyq aqaýlyq sebep bolýy múmkin ekeni habarlandy.

Qytaı ortalyq telearnasynyń (CCTV) habarlaýynsha, oqys oqıǵa jergilikti ýaqytpen saǵat 12.15 (7.15 msk), ushqannan 10 mınýt ótken soń oryn aldy. Ushaq Tszınshan aýdanynan Chjoýshan qalasyna baǵyt alǵan.