Shanhaıda sý sportynan ótip jatqan álem chempıonatynda qazaqstandyq sportshy fınalǵa óte almady
BEIJІŃ. 26 shilde. QazAqparat /Rýslan Súleımenov/ - Shanhaıda sý sportynan ótip jatqan álem chempıonaty seısenbi kúni jalǵasyn tapty. 50 metrge júzýden jartylaı fınalda qazaqstandyq sportshy Vladıslav Polıakov sheshýshi kezeńge shyǵa almaı qaldy.
Qazaqstan sportshysy 27,81 sekýnd kórsetkishpen birinshi joly márege altynshy bolyp keldi.
Esterińizge sala keteıik, 16 shilde men 31 shilde aralaǵynda Shanhaıda sý sportynan XIV álem chempıonaty ótip jatyr. Jarysqa Qazaqstannyń ulttyq quramasy qatysýda.
Jarystyń on kúnnen keıingi nátıjesi boıynsha Qytaı quramasy alda keledi, ekinshi orynda - Reseı, úshinshi orynda - AQSh tur.
