Shanhaıda saılaýǵa alǵash ret qatysqan stýdent birinshi bolyp daýys berdi (FOTO)
BEIJІŃ-ShANHAI. QazAqparat - Shanhaıda Qazaqstan Respýblıkasynyń Bas Konsýldyǵynda saǵat 07:01-de №244 saılaý ýchaskesinde birinshi bolyp Shanhaı ýnıversıtetiniń ekonomıkalyq fakýltetiniń birinshi kýrs stýdenti Qojan Dıana Bolatqyzy daýys berdi. Ol saılaýǵa alǵash ret qatysýda.
«Otanymnan jyraqta júrip daýys berý quqyǵymdy paıdalana alǵanym úshin qýanyshtymyn. Shanhaı qalasynda 100-den astam shet memleketterden 50 myńnan astam stýdent bilim alýda. Olardyń barlyǵy óz eliniń saıası ómirine qatysa almaıdy. Qazaqstan azamattary úshin elden tys jerlerde de jaǵdaı jasaǵan Prezıdentke, elime alǵysym sheksiz», - dedi ol.
№244 saılaý ýchaskesinde birinshi bop daýys bergen stýdent Shanhaıdaǵy QR Bas konsýly Joshyhan Qyraýbaevtyń atynan estelik syılyqpen marapattaldy. Ol stýdentke oqýda tabystar tiledi.
D. Qojannan keıin Lıanıýngan qalasynyń «Qytaı-qazaqstandyq halyqaralyq logıstıkalyq kompanııa AAQ» birlesken kásiporyn qyzmetkerleri daýys berdi.
Kompanııa bas dırektorynyń orynbasary Qanatbek Nuráli Lıanıýngan qalasynda Qazaqstannan 5 ókil jumys isteıtinin atap ótti. Olar Shanhaıda saılaý ótetinin estip, eldiń mańyzdy sharasyna qatysý úshin arnaıy kelgen.
Eske salsaq, Shanhaıda, Tszıansý, Tszıansı, Anhoı, Chjetszıan jáne Fýtszıan provıntsııalarynda Qazaqstan azamattary Shanhaıdaǵy QR Bas konsýldyǵyndaǵy №244 saılaý ýchaskesine kelip QR Parlamenti Májilisine saılaýǵa qatysa alady.
