Shanhaıda sáýegeı maımyl AQSh-taǵy saılaýǵa boljam jasady
ASTANA. QazAqparat - Geda esimdi shanhaılyq kóripkel maımyl AQSh-taǵy prezıdent saılaýyny nátıjesine boljam jasady, dep habarlaıdy Channel New Asia.
Sary jeıde kıgen Geda AQSh prezıdenttigine úmitker Donald Tramp pen Hılları Klıntonnyń sýretteriniń birin tańdaýy tıis edi. Nátıjesinde maımyl oǵash qylyqty mıllıarderdi artyq kórdi, tipti karton beıneli Trampty súıip alǵan. Shiyanhu Ecological Tourism parkinde ómir súretin prımat birneshe ret sáýegeılik jasap, kózge túsken.
Channel New Asia habarlaýynsha, 2016 jyldyń basynda maımyl Portýgalııa ulttyq týynyń janyna otyryp, banan jeı bastaǵan. Osylaısha, fýtboldan Eýropa chempıonatynyń jeńimpazy Portýgalııa bolaryn aldyn ala «bilgen». Sol sebepti, jergilikti turǵyndar Gedany «sáýegeıler patshasy» dep ataıdy.
