Shanhaıda Saǵyntaevtyń qatysýymen QR jáne QHR kásipkerleriniń dóńgelek ústeli ótti
Sharany «KAZNEX INVEST» eksport jáne ınvestıtsııalar ulttyq agenttigi» AQ uıymdastyrdy, onyń basqarma tóraǵasy Borısbıı Jangýrazov jıynǵa moderator boldy.
Dóńgelek ústelge 70-ke tarta adam qatysty - QR Investıtsııalar jáne damý mınıstri Jeńis Qasymbek, AShM vıtse-mınıstri Gúlmıra Isaeva, «Atameken» ulttyq kásipkerler palatasy, «OHK» JShS, «KPI» JShS, «Allıýr» kompanııalar toby» AQ, «SaryarqaAvtoÓndiris» JShS jáne birqatar qazaqstandyq, qytaı fırmalary «Bayin Nonferrous Metal Industry Group Ltd.», «China Telecom», AVIC Securities Co. Ltd., CNPC, Huawei, «Tsınhýa» jáne basqa kompanııalar, «Jibek joly» qory, Qytaı banki, Qytaıdyń memlekettik damý bankiniń ókilderi qatysty.
«Qazirgi kezeńde bizdiń ózara qarym-qatynasymyz joǵary deńgeıde baılanystardyń qarqyndylyǵy jáne saýda-ekonomıkalyq jáne gýmanıtarlyq ózara is-qımyl salasynyń keń aýqymynda kórinis tapty. Investıtsııalyq klımatty jaqsartý jónindegi sharalardy qolǵa alýdyń, sondaı-aq joǵry dengeıdegi kelisimderdiń arqasynda qazaqstandyq kompanııalar qytaılyq seriktesterimen yntymaqtastyqty belsendi damytýda», - dedi B.Saǵyntaev.
Ol qazirgi kezde Qazaqstanda qytaıdyń kapıtaly bar 700-den astam kompanııanyń qyzmet júrgizip otyrǵandyǵyn atap ótti. Qazaqstan ekonomıkasyna 2005-2015 jyl aralyǵynda qytaı ınvestıtsııalarynyń jalpy jıyny 12,7 mlrd dollar bolǵan.
Ol bıyl birlesken eki joba paıdalanýǵa berilgenin, taǵy da 4 jobanyń qurylys bastalǵanyn habarlady. 2017 jyly 12 jobanyń qurylys jumystaryn bastaý kózdelip otyr.
Jobalardyń qarjylandyrýǵa basa mán berilip otyr. «Jibek joly» qory, Qytaı banki, Qytaıdyń memlekettik damý banki sekildi qarjy ınstıtýttarymen kelisimder jasalǵan.
QR Premer-Mınıstriniń birinshi orynbasarynyń sózinen keıin qytaı bıznesiniń ókilderi birlesken jobalar týraly, yntymaqtastyqty budan ary damytý perspektıvalary jaıynda baıandamalar jasady.
